O Presidente da Deputación de Ourense, Manuel Baltar, recibiu no Pazo Provincial ao presidente do consello de administración do Club Ourense Baloncesto, Camilo Álvarez, quen lle informou da planificación deportiva do COB para a presente tempada na liga LEB. “A Deputación de Ourense segue apoiando ao COB, incluíndo nos orzamentos da institución provincial para 2018, que se aprobarán no pleno do vindeiro 29 de setembro, a mesma contía que nos anos anteriores, 216.000 euros, tendo en conta o seu posicionamento dentro do accionariado e cumprindo co que se espera dos accionistas á hora de afrontar unha nova tempada”, afirmou Manuel Baltar.
Reunión do presidente da Deputación co presidente do Club Ourense Baloncesto
