Manuel Baltar mantivo un encontro no Salón de Plenos con xogadores, directiva e corpo técnico do equipo carballinés.
O presidente da Deputación, Manuel Baltar, mantivo esta mañá un encontro no Salón de Plenos da Deputación cunha delegación do CD Arenteiro encabezada polo seu presidente, Argimiro Marnotes, o primeiro adestrador, Javi Rey, e o plantel.
Na reunión, o titular do goberno provincial trasladou as súas felicitacións pola “magnífica traxectoria” do equipo do Carballiño, culminada co triunfo na Copa Federación e o ascenso a Primeira RFEF, terceira categoría do fútbol estatal e na que o CD Arenteiro competirá na temporada 2023-2024.