O asesor de Política Deportiva da Deputación de Ourense, Diego Enrique Álvarez, participou na presentación da terceira edición da Copa de España DHI Pozo do Demo, no salón de actos da Casa da Cultura de Verín.
Os próximos 26 e 27 de abril, Verín acollerá a segunda proba da Copa de España de descenso dun total de cinco. Corredores polacos, holandeses , ingleses e irlandeses entre outras nacionalidades teñen confirmada a súa presenza no esixente trazado do Pozo do Demo en Cabreiroá , destacando entre eles a participación da corredora suíza do equipo Yeti/Fox Camile Balanche, que foi campiona do Mundo en 2022 e leva cinco anos no podio da elite mundial.