Haberá partidos durante toda a xornada, en categorías premini, mini, infantil, cadete, junior e senior. Durante as 11 horas de competición, tamén haberá actividades lúdicas, exhibicións de graffiti, roller e break dance, así como xogos, unha carpa da Asociación Española contra o Cancro e foodtruck.
Este evento terá tamén un compoñente saudable: todos os participantes gozarán de froita fresca e auga e poderán realizar doazóns de sangue na unidade móbil da Axencia de Doazón de órganos e Sangue do Sergas que estará instalada no exterior do Paco Paz.
Grazas á colaboración directa entre a Deputación de Ourense e a Federación Galega de Baloncesto, o Pazo Paco Paz albergará mañá o “3×3 DepOUrense”, no que participarán un total 51 equipos en categorías premini, mini, infantil, cadete, junior, senior e senior familiar. Trátase dun evento que combinará a xornada de competición con actividades lúdicas, coa música e as artes urbanas como aliadas perfectas desta práctica deportiva. E contará tamén cun marcado compoñente saudable: todos os participantes gozarán de froita fresca e auga, e poderán realizar doazóns de sangue na unidade móbil da Axencia de Doazón de Órganos e Sangue do Sergas que estará instalada no exterior do Paco Paz. Tamén se instalará unha carpa informativa da Asociación Española contra o Cancro,
A pesares de que o carácter competitivo non é o principal compoñente deste evento, haberá trofeos para os tres primeiros clasificados, un premio especial para os campións en cada categoría e un recordo para todos os participantes, así como outras sorpresas a través de concursos e agasallos durante toda a xornada.
O deporte de equipo urbano número 1 do mundo
O baloncesto 3×3 é o deporte de equipo urbano número 1 do mundo. Trátase dunha modalidade que se xoga nunha única canastra e consta de tres xogadores por equipo. Está impulsado pola FIBA e xa se disputou en certames oficiais internacionais, como nos Xogos Olímpicos de Tokio 2020.
Se ben este xogo xa existía con anterioridade, a FIBA regulamentouno e creou campionatos internacionais para o mesmo. De feito, desde 2012 dispútase a Copa Mundial FIBA de Baloncesto 3×3.