O presidente da Deputación de Ourense, Luis Menor, recibiu hoxe no Pazo Provincial ó director e ó coordinador da Asociación Xuvenil Amencer, Xulio César Iglesias e Xulio Vilar, respectivamente, para analizar as actividades de conciliación e lúdico-deportivas que organizan desde esta entidade.
No encontro, Luis Menor enxalzou o “extraordinario labor” que realiza Amencer a prol da mocidade ourensá e ratificou o apoio que mantén historicamente a Deputación con esta entidade por compartir “o obxectivo común de axudar a sociedade e facilitar a todos o acceso a servizos de ocio, cultura e conciliación, en igualdade”, explicou o presidente provincial.