O director da área de Cultura e Deporte, Marcos Vázquez, participou esta mañá en Vistahermosa, na presentación do Campionato da Península Ibérica de Ciclismo que se disputará o vindeiro mércores, 1 de maio. A competición comezará a partir das 10.55 horas desde Vistahermosa e a hora prevista de chegada é ás 12.40 horas.
A proba dispútase nun percorrido de 73,5 km desde Ourense, pasando por Barbantes, Ribadavia, Leiro e volta polo mesmo itinerario ata a subida final ao Mon de Deu (miradoiro do Miño).
Poderá participar calquera ciclista, home e muller, nas seguintes categorías: Cadete (15-16 anos), Xuvenil (17-18 anos), Sénior (19-29 anos), Máster 30 (30-39 anos), Máster 40 (40-49 anos), Máster 50 (50-59 anos) e Máster 60 (60-69 anos).