Hoxe presentouse o Sporty Campus deportivo de Fútbol no Centro Cultural Marcos Valcárcel da Deputación de Ourense, acto no que participaron como relatores o asesor de Política Deportiva, Diego Enrique Alvarez Fernandez, e os organizadores do Sporty Campus, Roberto González e Pablo Campelo.
O campamento levarase a cabo en Allariz, cumprindo coas máximas medidas de seguridade e calidade. Participarán 130 nenos/as de seis a 14 anos, celebrándose do 1 ao 13 de xullo.
A instalación de turismo rural “Os Invernadeiros”, en Allariz, será onde se situará o campamento, en pleno val do río Arnoia.
Campus deportivo Sporty conta co copatrocinio da Deputación de Ourense, e seguirá mantendo os estándares de calidade que levaron a esta actividade para estar plenamente consolidada dentro dos Campus deportivos de fútbol de España.