O director da Área de Cultura e Deporte da Deputación, Marcos Vázquez, participou esta mañá na presentación do festival de música “Son do Arnoia” e da XV Carreira Popular do San Salvador, que tivo lugar xunto ás piscinas de Baños de Molgas.
No apartado deportivo, a carreira popular disputarase o 3 de agosto cun circuíto urbano que discorre polas rúas da viña de Baños de Molgas e polo paseo do río Arnoia, con saída e chegada nas piscinas municipais. Comezará ás 18.30 horas coa categoría de pitufos, e posteriormente, será a quenda para as categorías benxamín/alevín, infantil/cadete e, por último, xuvenil/promesa/senior e veteranos.
O Festival celebrarase o 16 de agosto, no parque Ansuiña, a partir das 20.00 horas e levará ao público a revivir cancións que marcaron épocas pasadas coas actuacións de Son do Sil, Somoza Trio, Black Stereo e Disco móvil Ourense.